Azərbaycan və Rumıniya XİN başçıları nələri müzakirə etdi?

Azərbaycanın xarici işlər naziri Ceyhun Bayramov Nyu-Yorkda BMT Baş Assambleyasının 80-ci sessiyası çərçivəsində rumıniyalı həmkarı Oana-Silvia Toiu ilə görüşüb. Baku TV-nin xəbərinə görə, görüşdə iki ölkə arasındakı strateji tərəfdaşlığın mövcud vəziyyəti və gələcək perspektivləri geniş müzakirə olunub. Tərəflər xüsusilə enerji təhlükəsizliyi, bərpaolunan enerji layihələri (o cümədən Qara dəniz sualtı elektrik kabeli) və Orta Dəhliz vasitəsilə nəqliyyat bağlantılarının gücləndirilməsi məsələlərinə diqqət yetiriblər. Həmçinin, Azərbaycan və Ermənistan arasındakı sülh prosesi, regionda münaqişədən sonrakı bərpa işləri və beynəlxalq təşkilatlar çərçivəsində əməkdaşlıq ətrafında fikir mübadiləsi aparılıb. Görüşdə kənd təsərrüfatı, təhsil və turizm sahələrində də ticarət dövriyyəsinin artırılması üçün böyük potensialın olduğu vurğulanıb.