Pleyeri seçin:
Azərbaycan və Rumıniya XİN başçıları nələri müzakirə etdi?
Azərbaycan xarici işlər naziri Ceyhun Bayramov Nyu-Yorkda keçirilən Birləşmiş Millətlər Təşkilatı Baş Assambleyasının 80-ci sessiyası çərçivəsində rumıniyalı həmkarı Oana-Silvia Toiu ilə görüşüb. O bu barədə "X"də paylaşım edib.
Bildirilib ki, iqtisadi əlaqələr, enerji təhlükəsizliyi, nəqliyyat dəhlizləri və yaşıl enerji layihələri diqqət mərkəzində olmaqla Azərbaycan-Rumıniya strateji tərəfdaşlığının genişləndirilməsi müzakirə edilib.
Enerji təhlükəsizliyi, diversifikasiya, təhsil, kənd təsərrüfatı və turizm sahəsində böyük potensiala malik iqtisadi və ticarət əməkdaşlığının genişləndirilməsinin vacibliyi qeyd edilib.
Yaşıl enerji sahəsində birgə layihələr və Orta Dəhliz təşəbbüsü çərçivəsində əməkdaşlığın gücləndirilməsinin strateji faydaları araşdırılıb.
Həmçinin münaqişədən sonrakı reallıqlara, Azərbaycan-Ermənistan sülh prosesinə toxunulub.
Kopyalandı
#Azərbaycan XİN teqi istifadə olunub
Seçilmişlər
