Azərbaycan və türk əsgərlərinin şanlı zəfəri: Bakının qurtuluşundan 107 il ötür
Bakının erməni-bolşevik birləşmələrinin işğalından azad olunmasından 107 il ötür.
Bununla da müstəqilliyini təmin edən Azərbaycanda ermənilərin və bolşeviklərin Bakı və ətraf rayonlardakı ağalığına son qoyulub.
Bakının erməni-bolşevik işğalından azad edilməsi XX əsr Azərbaycan tarixinin şərəfli səhifələrindən biridir. Müstəqilliyinə təzə qovuşmuş, beynəlxalq aləmdə hələ tanınmayan gənc Azərbaycanın ərazi bütövlüyünü təmin etmək imkanları yetərincə deyildi.
Belə bir şəraitdə Osmanlı Türkiyəsi qardaş Azərbaycanın ərazi bütövlüyünü təmin etmək məqsədilə Nuru paşanın komandanlığı ilə hərbi qüvvələrini Azərbaycana göndərdi. Avropa dövlətlərinin türk qoşunlarının Azərbaycana gəlməsinə etiraz etməsinə baxmayaraq, Osmanlı Türkiyəsi 1918-ci ilin avqust-sentyabr aylarında öz tarixi vəzifəsini şərəflə yerinə yetirdi.
Beləliklə, sentyabrın 15-də Qafqaz İslam Ordusu və Azərbaycan Korpusu Bakını işğalçılardan azad etdi. Bu tarixi hadisədən sonra Azərbaycan Xalq Cümhuriyyəti hökumətinin paytaxtı Gəncədən Bakıya köçürüldü.
#Qafqaz İslam Ordusu teqi istifadə olunub
- Qafqaz İslam Ordusu Bakını necə xilas etdi? | 107 il öncənin tarixi həqiqəti!
- Azərbaycan XİN-dən Bakının azad edilməsi ilə bağlı paylaşım
- Türklərin gəlişindən sonra onlar dayandı | Nuru Paşanın Gəncədə qorunan qiymətli əmanəti
- Bakı erməni-bolşevik işğalından necə azad edildi? | Azərbaycan hərb tarixinin zəfəri
- Türkiyə Qafqazı unutmadı: Türkiyənin Müdafiə Nazirliyindən Bakı paylaşımı
