Azərbaycanın İtaliyadakı səfirliyində səsvermə

Növbədənkənar prezident seçkiləri ilə əlaqədar Azərbaycanın İtaliyadakı səfirliyində yaradılan seçki məntəqəsində seçki fəallığı müşahidə olunub.

Yerli vaxtla saat 8:00-da (Bakı vaxtı ilə 11:00) başlayan səsvermədə İtaliya, Malta və San-Marinoda yaşayan və ya uzunmüddətli xarici ezamiyyətdə olan, yaşı 18-ə çatmış və fəal seçki hüququna malik vətəndaşlarımız Azərbaycan Respublikasının etibarlı pasportu və ya şəxsiyyət vəsiqəsini təqdim etməklə iştirak ediblər.

Məntəqə bütün zəruri vəsaitlə təmin olunub, seçicilərin iradələrini azad və sərbəst şəkildə bildirmələri üçün lazımi şərait yaradılıb.