Azərbaycanın su ehtiyatları yarıbayarı azala bilər | Risklər haradan qaynaqlanır?

"Bizdən nə danışırlar?" verilişinin yeni buraxılışı yayımlanıb.

Verilişdə bildirilib ki, Azərbaycanın BRICS qərarı ölkəmizlə bağlı müzakirələrə növbəti mövzu olub.

Hazırda Azərbaycanın bu geosiyasi və geoiqtisadi həmləsinin nələrə gətirib çıxaracağı, onun yeni dünya nizamında hansı mövqeyə sahib olacağı sualları çoxlarını düşündürür və bu da dünya mediasında çoxlu materiallara mövzu olub.

Rusiyanın “TASS” informasiya agentliyi “BRICS Azərbaycan üçün geosiyasi alternativ kimi” başlıqlı məqalə dərc edib.

Mənbə bildirib ki, Azərbaycanın BRICS-ə üzv olmaq üçün rəsmi müraciəti ilə bağlı addımının gözlənilməz olduğunu söyləmək olmaz. Rəsmi Bakının planları iyulun 3-də Şanxay Əməkdaşlıq Təşkilatının Astanada keçirilən sammiti çərçivəsində qəbul edilmiş Azərbaycan və Çin arasında strateji tərəfdaşlığın yaradılması haqqında bəyannamədə öz əksini tapıb.

Rusiyanın “rapsinews.ru” nəşri “Rusiya Azərbaycanın BRICS-ə üzvlüklə bağlı müraciətini dəstəkləyir” başlıqlı məqaləsində xəbər verir ki, bu barədə Rusiya xarici işlər nazirinin müavini Sergey Ryabkov bildirib. O, Rusiyanın Azərbaycanın təşkilata üzvlüklə bağlı müraciətindən çox məmnun olduğunu qeyd edib.

Səudiyyə Ərəbistanın “Alkhaleejtoday” nəşri xəbər verir ki, Ermənistan və Azərbaycan sərhədlərin delimitasiyası üzrə birgə komissiyalar haqqında Əsasnamə imzalayıb.

Mənbə oxucuların diqqətinə çatdırır ki, avqustun 30-da Azərbaycan və Ermənistan arasında dövlət sərhədinin delimitasiyası üzrə komissiyaların birgə fəaliyyəti haqqında Əsasnamə imzalanıb. Bu barədə Azərbaycan ilə Ermənistan arasında dövlət sərhədinin delimitasiyası üzrə Dövlət Komissiyasının məlumatında deyilir.

Rusiyanın “Kommersant” nəşri “Əliyevlə Putin Cənubi Qafqazdakı vəziyyəti müzakirə etdi” başlıqlı məqalə dərc edib. Mənbə qeyd edir ki, Vladimir Putin və İlham Əliyev Rusiya Prezidentinin Azərbaycana son dövlət səfərinin uğurlu nəticələrindən məmnunluq ifadə ediblər.