Azərbaycanın yardımını qəbul etməyən ermənilər keflərindən qalmır

“Humanitar böhran” içində olduğu deyilən ermənilərin şənliklər təşkil etməsinin videogörüntüləri yayılıb.

Trend xəbər verir ki, avqust ayının son günlərində lentə alınan görüntülərdə bütün dünyaya "humanitar böhran" içində olduqlarını bəyan etməyə çalışan ermənilərin heç də acınacaqlı vəziyyətdə olmadıqları, şənlik keçirdikləri açıq-aşkar görünür.

Ermənilər növbəti dəfə saxta informasiya kampaniyası başladaraq öz məqsədlərinə nail olmaq istəyirlər. Yayılan görüntülər və xəbərlər "humanitar böhran" məsələsinin tamamilə yalan olduğunu isbatlayır.

Xatırladaq ki, avqustun 29-da Azərbaycan Qızıl Aypara Cəmiyyəti (AzQAC) tərəfindən Qarabağda yaşayan erməniəsilli sakinlər üçün 40 ton un göndərilib. Yük avtomobilləri Rusiya sülhməramlılarının Ağdam-Xankəndi yolundakı postunda hələ də gözləyir. Ərzaq dolu yükün Xankəndiyə çatdırılmasına şərait yaradılması üçün Rusiya sülhməramlı kontingentinin komandanlığına müraciət olunub.