Azərbaycanlı tələbələr Karampetyanı rüsvay etdi

Ötən gün fevralın 27-də “ Ədalət və Demokratiya naminə Avropa Erməni Federasiyası”nın Brüsseldə, Avropa Parlamentində keçirdiyi tədbir zamanı zala daxil olan azərbaycanlı tələbələr bu təşkilatın rəhbəri Kaspar Karampetyanı rüsvay ediblər. İclas zamanı moderatorlara Xocalı soyqırımı barədə kəskin suallar veriblər, çıxışçılar bu suallara cavab tapa bilməyiblər. Daha sonra əllərində “Justice for Xojalı” plakatları tutmuş ikinci qrup zala daxil olub. Bu zaman ermənilər azərbaycanlı gənclərin əllərindən plakatları almaq üçün onlara hücum ediblər. Lakin buna müvəffəq olmayıblar, azərbaycanlı gənclər “Xocalı” şüarları səsləndirərək zalı tərk etməyiblər. Nəticədə ermənilər tədbirin Facebook üzərindən canlı yayımını dayandırmalı olublar.