BANM-da Tələbə və Gənc Tədqiqatçıların VI Beynəlxalq Elmi Konfransı | Rektordan mühüm açıqlama

SOCAR-ın Bakı Ali Neft Məktəbində Ümummilli Lider Heydər Əliyevin anadan olmasının 102-ci illiyinə həsr edilmiş Tələbə və Gənc Tədqiqatçıların VI Beynəlxalq Elmi Konfransı öz işinə başlayıb.

Konfransda ABŞ, Böyük Britaniya, Portuqaliya, Finlandiya, Almaniya, Macarıstan, İtaliya, Polşa, Sinqapur, Pakistan, Səudiyyə Ərəbistanı, Özbəkistan və Rusiyadan olan gənc araşdırmaçıların məqalələri müzakirə olunacaq.

Əsas məqsəd tələbə və gənc tədqiqatçıların elmi fəaliyyətini stimullaşdırmaq, onları beynəlxalq elmi ictimaiyyətə inteqrasiya etdirmək, eləcə də müasir elmi texnologiyalar sahəsində fikir və təcrübə mübadiləsi üçün platforma yaratmaqdır.

340 yerli və xarici gənc tədqiqatçıdan 300-nün elmi araşdırması müsbət rəy alaraq konfrans proqramına daxil edilib. Beynəlxalq iştirakçıların isə 19 müraciətindən 18-nin məqaləsi qəbul olunub.

Qeyd edək ki, “Dayanıqlı Kimya və Kimya mühəndisliyinə doğru”, “İNFOTECH 2025” və “Neft-qaz geologiyası və mühəndisliyi” mövzularını əhatə edən bu mühüm elmi tədbirə Bakı Ali Neft Məktəbindən 198 tələbə və gənc tədqiqatçı qoşulub.