Baş Prokurorluq Şəmkirdə "Heydər Əliyev ili" ilə bağlı konfrans keçirdi

2023-cü ilin “Heydər Əliyev İli” elan edilməsi ilə əlaqədar həyata keçirilən silsilə tədbirlər çərçivəsində Şəmkirdə “Heydər Əliyev siyasəti: müasir dövlət quruculuğu” mövzusuna həsr olunan işgüzar konfrans təşkil edilib.

Tədbirdə çıxış edən Baş Prokurorluğun idarə rəisi Ceyhun Kazımov müstəqil Azərbaycan dövlətinin memarı və qurucusu, dahi lider Heydər Əliyevin mövcud iqtisadi inkişafın və hərtərəfli tərəqqinin əldə olunmasındakı rolundan bəhs edib. Ümummilli Lider Heydər Əliyevin müasir dövlət quruculuğu siyasəti barədə danışan Ceyhun Kazımov uğurlu siyasətin bu gün də Prezident İlham Əliyev tərəfindən davam etdirildiyini qeyd edib.

Qeyd edək ki, tədbirdə media qurumları və qeyri-hökumət təşkilatlarının nümayəndələri, eləcə də dövlət qurumları və hüquq-mühafizə orqanlarının əməkdaşları da iştirak edib.