“Biz ədalət istəyirik!” - Xalqların haqq səsi Bakıdan ucalır - Baku TV

“Son illərdə Hindistanda müsəlmanların, həmçinin xristianların təzyiqə məruz qalması halları artıb. Hindistanda siqhlərin və digər milli azlıqların hüquqları sistemli şəkildə pozulur”.

Bu sözləri Pəncab Əyalətinin İnsan Hüquqları və Azlıqlar üzrə naziri Rameş Singh Arora Bakıda “Hindistanda siqhlərə və digər milli azlıqlara qarşı irqçilik və zorakılıq: mövcud reallıqlar” mövzusunda keçirilən beynəlxalq konfrans çərçivəsində jurnalistlərə açıqlamasında söyləyib.

“Təəssüf ki, Hindistan tarixi, əslində, dövlət tərəfindən dəstəklənən oxşar hallarla doludur. Baş nazir İndira Qandinin öldürülməsindən sonra məhkəmədən kənar cəzalar və günahsız siqhlərin kütləvi şəkildə qətlə yetirilməsi halları baş verib”, – deyə o qeyd edib.

Nazirin sözlərinə görə, tədbirdə Kanada, Böyük Britaniya, Avropa və Pakistandan olan siqh diasporunun nümayəndələri iştirak ediblər ki, onlar təkcə siqhlərə qarşı deyil, həm də digər azlıqlara – müsəlmanlara, dalitlərə və xristianlara qarşı insan hüquqlarının pozulması məsələsini qaldırıblar.

Rameş Singh Arora əlavə edib ki, siqh icması 1984-cü il hadisələri ilə bağlı ədaləti, həmçinin onilliklər boyunca müvafiq məhkəmə araşdırması olmadan həbsdə olan şəxslərin azad edilməsini tələb edir.