Boneyra hərakatının üzvündən Bakı Təşəbbüs Qrupuna təşəkkür | Xalqımız üçün artıq…

“Ölkələrin öz azadlıqları uğrunda mübarizəyə ehtiyacı var. Bakı Təşəbbüs Qrupu bu istiqamətdə böyük işlər görür. Biz hüquqlarımızın müdafiəsi uğrunda mübarizə aparırıq. Müstəqillik qazanmağa çalışmaq çox uzun və əsas prinsiplərinizin nə olduğunu göstərməli olduğunuz bir mübarizədir. Əzmkarlıq tələb edir”.

Bunu Dəyişiklik üçün Boneyra Hərəkatının üzvü Kaile Finies Bakı Təşəbbüs Qrupunun (BTQ) ofisində Baku TV-yə açıqlamasında deyib.

O qeyd edib ki, Boneyra xalqının öz müqəddəratını təyin etmək hüququ uğrunda apardıqları mübarizəni dünyaya çatdırmaq lazımdır:

“Bizi müstəmləkəçilərin həyata keçirdiyi siyasətlə idarə edirlər, bizim xalqımız üçün artıq demokratiya yoxdur. Onlar bizimlə bağlı qanunları dəyişir və bizi tam asılı vəziyyətə salırlar. Bütün bunların fonunda xalqımız səsini çıxara bilmir, çünki etiraz etsələr, işlərini itirəcəklər və bu kimi bir sıra problemlər yaşayacaqlar".