Britaniya hərəkətə keçdi: Azərbaycan və Ermənistana təklif

Böyük Britaniyanın Avropa üzrə naziri Leo Doçerti noyabrın 20-də Cənubi Qafqaza səfər edəcək.

Bu barədə Böyük Britaniyanın Azərbaycandakı səfirliyi məlumat yayıb.

Qeyd olunub ki, ölkənin Avropa üzrə naziri Ermənistan, Gürcüstan və Azərbaycana səfəri zamanı Böyük Britaniyanın suverenlik və təhlükəsizliyə dəstəyini vurğulayacaq.

Bundan başqa, nazir Doçerti sülh və sabitliyin uzunmüddətli nizamlanmasına nail olmaq üçün rəsmi Bakı ilə İrəvan arasında sülh danışıqlarının təcili aparılmasının vacibliyini qeyd edəcək.

Səfirlik nazirin səfər zamanı Ermənistan və Azərbaycan liderlərini tarixi razılaşmanın əldə edilməsi və regionda davamlı sülhün təmin edilməsi üçün beynəlxalq vasitəçiliyə əsaslanan danışıqlarda iştirak etməyə çağıracağını qeyd edib.

Böyük Britaniyanın Avropa üzrə naziri Leo Doçerti İrəvana səfərə etməzdən öncə bildirib ki, Cənubi Qafqaz mühüm təhlükəsizlik problemləri ilə üzləşir. Qeyri-sabit regionda Böyük Britaniya islahatlar, sülh və sabitlik üçün etibarlı tərəfdaşdır.