Britaniyanın keçmiş və indiki səfirlərindən Azərbaycan xalqına təbrik

Böyük Britaniyanın ölkəmizdəki keçmiş səfiri Ceyms Şarp Azərbaycan xalqını Yeni il bayramı münasibətilə təbrik edib.

O bununla bağlı sosial şəbəkə hesabında paylaşım edib. “Yeni iliniz mübarək”, – deyə keçmiş səfir paylaşımında yazıb.  Qeyd edək ki, sabiq səfir paylaşımını Azərbaycan dilində edib.

Böyük Britaniyanın ölkəmizdəki hazırkı səfiri Ferqus Old da hər kəsi Yeni il münasibətilə Azərbaycan dilində təbrik edib. O bu barədə “X” hesabında paylaşım edib.

Səfir həmçinin təbrikində Azərbaycan-Ermənistan münasibətlərinə də toxunub.

“Hər iki istiqamətdə dialoq və səfərlər daha dərin anlaşmaya təkan verdi və qarşıdan gələn ildə daha güclü tərəfdaşlıq üçün zəmin yaratdı. Yeni ildən gözlədiyimiz çox şey var. Azərbaycanın və Ermənistanın elan etdiyi cəsarətli və etimadverici addımlar sayəsində sanki Cənubi Qafqazda sülhün bərqərar olmasına çox yaxınlaşmışıq, – deyə səfir bildirib.