Bu, siyasi sifarişdir | Rusiya XİN-dən məsələ barədə mühüm açıqlamalar

Rusiya xarici işlər naziri Sergey Lavrovun adından guya Azərbaycanın xarici işlər naziri Ceyhun Bayramova ünvanlanmış məktubun şəkli paylaşılıb.

Məlum paylaşımdan sonra Rusiya Xarici İşlər Nazirliyi təkzib paylaşımı edərək qeyd edib ki, Sergey Lavrovun adından Ceyhun Bayramova məktub göndərilməsi xəbəri saxtakarlıqdır.

“Aydındır ki, bu cür qərəzli dezinformasiyanın arxasında dekabrın 25-də Qazaxıstanın Aktau şəhəri yaxınlığında “Azərbaycan Hava Yolları” QSC-nin sərnişin təyyarəsinin qəzaya uğraması ilə bağlı siyasi sifariş və spekulyasiyaya cəhd dayanır. Məsələnin ən maraqlı tərəfi isə odur ki, bu saxtakarlığa yol verənlər nə ölkənin rəsmi məktubunda mövcud olması tələb edilən elementlərə, nə də düzgün müraciət tərzinə və yazı normalarına riayət ediblər”, – deyə Rusiya XİN-in açıqlamasında bildirilib.