Çavuşoğlu müxalifət liderini sərt tənqid etdi

“CHP lideri Kamal Kılıçdaroğlu Azərbaycandan üzr istəməlidir”.

Bunu Türkiyənin xarici işlər naziri Mövlud Çavuşoğlu qatıldığı tədbirlərin birində deyib.

“Kılıçdaroğlu ortaya çıxardığı xəritələrdə və layihələrdə Azərbaycanı saymayıb. Bununla da turizmi kölgə altına alan, vətəndaşlarımızı narahat edən açıqlamalar edib”, – deyə M.Çavuşoğlu bildirib.

Qeyd edək ki, Kamal Kılıçdaroğlunun seçkiqabağı vəd etdiyi “Yeni İpək Yolu” xəritəsində Azərbaycan yer almayıb. Xəritədə 5,5 min kilometrlik quru yolu İran, Türkmənistan, Özbəkistan və Qazaxıstandan keçərək Çinə birləşir. Layihə Türk dünyasını İrandan və Çindən asılı edərək onun zəifləməsinə xidmət edir, eləcə də Zəngəzur dəhlizi layihəsini məhvə sürükləyir.