Ceyhun Bayramov Qırğızıstanda XİN rəhbəri ilə görüşdü

Xarici işlər naziri Ceyhun Bayramov Qırğız həmkarı Jeenbek Kulubayevi COP29 və regionda münaqişədən sonrakı vəziyyətlə bağlı məlumatlandırıb. Bu barədə nazir özünün “X” hesabında yazıb.

“Görüş çərçivəsindən Azərbaycan-Qırğızıstan strateji tərəfdaşlığını daha da inkişaf etdirmək üçün qarşılıqlı əlaqələrin davam etdirilməsinin vacibliyi bir daha vurğulandı. COP29 və münaqişədən sonrakı regional vəziyyət haqqında məlumat verildi”, – deyə Ceyhun Bayramovun paylaşımında qeyd edilib.