Ceyhun Bayramovla Andrey Sibiqa arasında telefon danışığı olub - Baku TV
Yeniliklərdən dərhal xəbərdar olun
Azərbaycan Respublikasının xarici işlər naziri Ceyhun Bayramovla Ukraynanın xarici işlər naziri Andrey Sibiqa arasında telefon danışığı olub.
Bu barədə Andrey Sibiqa sosial şəbəkə hesabında paylaşım edib.
"Ceyhun Bayramovla səmərəli söhbətim oldu. Həmkarıma qonaqpərvərliyinə və liderlərimizin Qəbələ səfəri zamanı mənimlə görüşdüyünə görə təşəkkür etdim. Biz bu danışıqlarda əldə edilən razılaşmaların həyata keçirilməsinə diqqət yetirdik və ikitərəfli əməkdaşlığımızın inkişaf etdirilməsi üçün gələcək addımları müzakirə etdik", – deyə paylaşımda qeyd olunur.
A.Sibiqanın sözlərinə görə, tərəflər həmçinin regiondakı təhlükəsizlik vəziyyəti və beynəlxalq məsələlər barədə fikir mübadiləsi aparıblar.
"Ukrayna suverenliyimizi və ərazi bütövlüyümüzü davamlı olaraq dəstəklədiyinə, eləcə də xüsusilə enerji sektorunda göstərdiyi humanitar yardıma görə Azərbaycana minnətdardır. Biz fəal dialoq aparmaq və əlaqələrimizi davam etdirmək barədə razılığa gəldik", – deyə A.Sibiqa bildirib.
#Azərbaycan Respublikasının Xarici İşlər Nazirliyi (XİN) teqi istifadə olunub
- "Tbilisidə baş vermiş faciəvi partlayış xəbərindən dərin kədər hissi keçiririk" | XİN - Baku TV
- Almaniya Azərbaycanı regionun əsas strateji tərəfdaşı kimi görür - Baku TV
- Azərbaycanla bağlantı təmin olunmasa, layihənin heç bir məntiqi yoxdur | Ceyhun Bayramov- Baku TV
- Bakı və Berlin iqtisadi danışıqların keçirilməsi barədə razılığa gəlib - Baku TV
- Azərbaycan və Almaniya XİN rəhbərlərindən mətbuata açıqlamalar - Baku TV CANLI
