Ermənistan Azərbaycanla sülhlə bağlı yekun razılığa hazırdır? | Detallar açıqlandı

“İrəvan və Bakı sülh sazişi layihəsini konstruktiv atmosferdə müzakirə edir və onun tam razılığına çox yaxındır”.

Bunu Ermənistanın xarici işlər naziri Ararat Mirzoyan deyib.

“Daha bir və ya iki məsələ var, onların üzərində iş daha intensiv, daha konstruktiv bir atmosferdə davam edir. Mən ehtiyatlı nikbinliyimi ifadə etmək istərdim ki, biz həqiqətən də mətn üzrə yekun razılığa çox yaxınıq”, – o, parlamentdə çıxış edərkən bildirib.

A.Mirozyan qeyd edib ki, Ermənistan Azərbaycanla bütün istiqamətlər üzrə hərtərəfli sülhün tezliklə bağlanmasında maraqlıdır.

“Biz Azərbaycan tərəfi ilə sazişin son iki razılaşdırılmamış mətni, son iki maddəsi üzərində işləyirik və məndə belə bir təəssürat yaranıb ki, yekun razılığa və sülh müqaviləsi layihəsinin yekun təsdiqinə yaxınıq”, – deyə A.Mirzoyan parlamentin plenar iclasında sual-cavab zamanı bildirib.