Ermənistan XİN rəhbərindən sülhlə bağlı vacib açıqlama

“Ermənistan və Azərbaycan yaxın gələcəkdə sülh sazişi layihəsini tam şəkildə razılaşdıra biləcək”.

Bunu Ermənistanın xarici işlər naziri Ararat Mirzoyan parlamentdə 2025-ci il üzrə dövlət büdcəsi layihəsinin müzakirəsi zamanı bildirib.

“Nikbinliklə demək istəyirəm ki, yaxın gələcəkdə biz sülh müqaviləsinin daha bir-iki bəndlə bağlı razılığa gələ və tam razılaşdırılmış sülh sazişinə malik ola biləcəyik”, – deyən nazir qeyd edib ki, Ermənistan və Azərbaycan demarkasiya üzrə iki ölkənin komissiyalarının fəaliyyətinin reqlamentinin qüvvəyə minməsi barədə bir-birlərinə məlumat verəcəklər.

A.Mirzoyan çıxışı zamanı həmçinin bildirib ki, Ermənistan xarici siyasətinin gündəliyində qondarma erməni soyqırımının tanınması məsələsi artıq prioritet deyil. XİN rəhbəri belə məsələləri tarixçilərin öyrənməli olduğunu vurğulayıb.