Estoniya-Azərbaycan münasibətlərində yeni dövr

Azərbaycan və Estoniya arasında diplomatik münasibətlər strateji tərəfdaşlıq səviyyəsinə yüksəlir. "Baku TV"-nin siyasət bölməsinin məlumatına görə, Estoniyanın xarici işlər naziri Marqus Tsahkna azərbaycanlı həmkarı Ceyhun Bayramovla Bakıda keçirilən birgə mətbuat konfransında ölkəsinin Azərbaycandakı diplomatik təmsilçiliyini genişləndirəcəyini bəyan edib. Nazir yaxın zamanlarda Bakıda Estoniyanın tamhüquqlu səfirliyinin açılacağını rəsmən elan edib.

[Image: A formal handshake between Azerbaijani Foreign Minister Jeyhun Bayramov and Estonian Foreign Minister Margus Tsahkna in Baku, with the flags of both nations in the background, symbolizing the start of a "new era" in bilateral relations as reported by Baku TV]

Marqus Tsahkna vurğulayıb ki, səfirliyin açılması təkcə diplomatik əlaqələrin möhkəmlənməsinə deyil, həm də biznes, texnologiya və siyasi dialoq sahəsində əməkdaşlığın dərinləşməsinə xidmət edəcək. Süjetdə həmçinin Estoniyanın regional təhlükəsizlik məsələlərinə baxışı, Rusiya-Ukrayna müharibəsinin Baltikyanı ölkələrə təsiri və Azərbaycanın Avropanın enerji xəritəsindəki rolu barədə nazirlərin mühüm şərhləri yer alıb. İki ölkə arasındakı "yeni dövrün" detalları və rəsmi Bakının bu addıma münasibəti bizim xüsusi reportajda.