Gizlənmək üçün “qadın” olan Emin Hüseynovun “şanlı” tarixçəsini xatırlayaq - Baku TV
Avropada işgüzar səfərdə olan Azərbaycanın Birinci vitse-prezidenti Mehriban Əliyeva özünü jurnalist kimi təqdim edən Emin Hüseynova layiqli cavabını verib.
Mehriban Əliyevanın Emin Hüseynova: "Qadın paltarı geyinib səfirlikdə gizlənən siz idiniz?" sualı bəlkə də gənc nəslə tanış olmaya bilər. Ancaq birinci xanım bu sualla Emin Hüseynovun keçmişindəki "səfirlik macərası"nın bəzi məqamlarına xatırlatma edir.
Əvvəlcə xatırladaq ki, Emin Hüseynov 1979-cu ildə Bakıda doğulub. Kooperasiya, İqtisad və Bakı Dövlət universitetlərində təhsil alıb, jurnalist və aktivist kimi fəaliyyət göstərib.
2014-cü il avqustun əvvəlində vergidən yayınmaqda ittiham edilən Emin Hüseynov rəhbərlik etdiyi Reportyorların Azadlığı və Təhlükəsizliyi İnstututunun ofisində axtarış aparılması xəbərini alandan dərhal sonra ABŞ səfirliyinə gedir və orada gizlənməyə cəhd edir. Ancaq səfirlik "amerikalı hərbçi xanımla evli olan" Hüseynovun bu istəyini rədd edir.
"Azadlıq radiosu" məsələni bu cur qələmə verir: "Avqustun əvvəlində Hüseynov Bakıdakı ABŞ səfirliyində bir tədbirə gedir və səfirliyin müvəqqəti işlər vəkili Derek Hoqanla tək qalır. Səfir Riçard Morninqstar bir neçə həftə öncə Bakıdan getmişdi. Mənbələr deyirlər ki, Emin Hoqana bir kağız ötürür: "Mənə necə kömək edə bilərsiniz? Həbs oluna bilərəm". Hoqan deyir ki, kömək edə bilməz".
Qeyd olunur ki, mətbuat Eminin dipmissiyada gizləndiyini yazsa da, səfirlik avqustun 12-də təkzib yayır.
"O, xarici görkəmini tam dəyişdi, saçını rənglədi, fərqli paltar geyindi. Emin hətta adamların onu tanıyıb-tanımamasını yoxlamaq üçün bu formada küçəyə çıxdı", – deyə başqa bir mənbədə deyilir.
Nəhayət, avqustun 18-də azərbaycanlı tanışı Emini İsveçrə səfirliyi yaxınlığında maşından düşürür. Emin səfirlik ətrafında mülki geyimlilərin polis olduğunu anlayır. O, ingiliscə birtəhər danışıb onları aldatmağa çalışır. Pasportunu soruşurlar, deyir ki, pasportu isveçrəlilərdədir. Emini əvvəlcə tanımırlar. Elə sorğu-sual gedərkən qapının zəngini basır. Kimsə qapını açır və onu içəri dartır.
Beləcə, gizlənmək üçün dondan-dona girən Emin Hüseynov İsveçrə səfirliyində təxminən 10 ay qalır. 2015-ci ilin 13 iyununda isə Azərbaycan hökuməti ilə aparılan danışıqlardan sonra İsveçrə Xarici İşlər Nazirliyinin yüksəkrütbəli diplomatı Didye Burkhalterin müşayiəti ilə bu ölkəyə uçur.
Azərbaycan barədə zaman-zaman qarayaxma kampaniyası aparan Emin Hüseynov hazırda da İsveçrədə yaşayır.
#Mehriban Əliyeva teqi istifadə olunub
- Belqradda Ümummilli Lider Heydər Əliyevin və görkəmli serb yazıçısı Milorad Paviçin abidələri ziyarət edildi
- Prezident və xanımı Ümummilli Lider Heydər Əliyevin və Milorad Paviçin abidələrini ziyarət etdi
- Prezidentin Belqrad şəhərinin Nikola Tesla Hava Limanında qarşılanma anı - Baku TV
- Prezident Münxen Təhlükəsizlik Konfransında iştirak etmək üçün Almaniyaya getdi
- Prezident İlham Əliyev Almaniyaya səfərə getdi - Baku TV
