İlham Əliyev və Birinci vitse-prezidentdən Akademikin ölümü ilə bağlı nekroloq

Prezident İlham Əliyev və Birinci vitse-prezident Mehriban Əliyeva Dövlət Neft Şirkətinin birinci vitse-prezidenti, neftçi-alim, geoloq, akademik Xoşbəxt Bağı oğlu Yusifzadənin vəfatı ilə bağlı nekroloq imzalayıblar.

Sənəddə mərhumun vəfatı Azərbaycan ictimaiyyəti üçün ağır itki kimi qiymətləndirilib, akademikin ölkəmizin neft salnaməsinə parlaq səhifələr yazmış şəxsiyyətlərdən olduğu vurğulanıb. Onun müstəqil Azərbaycanın ali mükafatları – “Heydər Əliyev”, “İstiqlal”, “Şöhrət”, “Şərəf”, 1-ci dərəcəli “Əmək” ordenləri və “Azərbaycan Respublikası Prezidentinin fəxri diplomu” ilə təltif edildiyi, “Əməkdar mühəndis” fəxri adına layiq görüldüyü qeyd edilib.