Pleyeri seçin:
“İran münaqişə məsələsində Azərbaycanın mövqeyini dəstəkləyir”
Xəbərlərimizi Google-da izləyin
Yeniliklərdən dərhal xəbərdar olun
“İran münaqişə məsələsində Azərbaycanın mövqeyini dəstəkləyir” – Yeni səfir
Xarici İşlər naziri Ceyhun Bayramov İranın Azərbaycana yeni təyin olunmuş səfiri Seyid Abbas Musəvini qəbul edib.
BakuTv xəbər verir ki, səfir Seyid Abbas Musəvi etimadnaməsinin surətini nazir Ceyhun Bayramova təqdim edib. Görüşdə İran və Azərbaycan arasında ikitərəfli münasibətlərin müxtəlif aspektləri müzakirə olunub. Tərəflər iki ölkə arasında əlaqələrin daha da inkişaf etdirilməsi və dərinləşdirilməsi ətrafında fikir mübadiləsi aparıblar.
Xarici İşlər naziri Ceyhun Bayramov İranın ölkəmizə təyin edilmiş yeni səfiri Seyid Abbas Musəvini qəbul edib. İran səfiri etimadnaməsinin surətini nazir Ceyhun Bayramova təqdim edib.
Ceyhun Bayramov Seyid Abbas Musəvini Azərbaycana səfir təyin olunması münasibətilə təbrik edib və ona gələcək fəaliyyətində uğurlar arzulayıb.
Tərəflər iki ölkə arasında dərin tarixi köklərə əsaslanan dostluq, qardaşlıq və əməkdaşlıq münasibətlərinin inkişafından bəhs edib, əməkdaşlıq gündəliyində duran məsələlərlə bağlı fikir mübadiləsi aparıblar. Çoxtərəfli platformalarda uğurla əməkdaşlığın davam etdirilməsi məsələləri də müzakirə edilib.
Səfir Seyid Abbas Musəvi Azərbaycanda diplomatik fəaliyyəti dövründə iki ölkə arasında əlaqələrin daha da inkişafı naminə səylərini əsirgəməyəcəyini bildirib. Səfir İran İslam Respublikasının Xarici İşlər naziri Məhəmməd Cavad Zərifin ən səmimi arzularını və təbriklərini nazir Ceyhun Bayramovun diqqətinə çatdırıb.
Nazir Ceyhun Bayramov Ermənistanın Azərbaycana qarşı davam edən təcavüzünü qeyd edərək, Ermənistan-Azərbaycan Dağlıq Qarabağ münaqişəsinin həlli ilə bağlı İranın hər zaman Azərbaycanın beynəlxalq hüququn norma və prinsiplərinə əsaslanan ədalətli mövqeyini dəstəklədiyinə görə minnətdarlığını ifadə edib.
Öz növbəsində Səfir Seyid Abbas Musəvi münaqişə məsələsində və Azərbaycanın işğal olunmuş ərazilərinə münasibətdə İranın Azərbaycanın mövqeyini dəstəklədiyini və ölkəsinin münaqişənin həlli üzrə kömək etməyə hər zaman hazır olduğunu vurğulayıb.
Görüşdə tərəflər, həmçinin qarşılıqlı maraq doğuran digər məsələlər ətrafında müzakirələr aparıblar.
Kopyalandı
Seçilmişlər
