İşləməyə Rusiyaya gedənlərə pis xəbər | Qalmaqallı qadağa barədə detallar

Sankt-Peterburqda miqrantlar taksi xidmətində fəaliyyət göstərə bilməyəcəklər.

Bu barədə qadağa Sankt-Peterburqun qubernatoru Aleksandr Beqlovun göstərişi ilə qüvvəyə minib və 2025-ci ilin sonuna qədər davam edəcək.

Əcnəbilərlə əmək müqavilələrinin dayandırılması da gözlənilir. Məqsəd taksi fəaliyyətində inkişafa nail olmaq və Rusiya vətəndaşlarının işlə təminatıdır.

Qeyd edək ki, Peterburqun qubernatoru Aleksandr Beqlovun özü 1956-cı ildə Bakıda doğulub. Taksi qadağası ilə davam etsək, bu məhdudiyyət Rusiyanın başqa vilayətlərində də tətbiq olunur. Ümumiyyətlə Rusiyada sürücü kimi Avrasiya İqtisadi İttifaqının üzvü Belarus, Qazaxıstan, Ermənistan və Qırğızıstandan olan miqrantlar fəaliyyət göstərə bilərlər. Bu səbəbdən Rusiyada yaşayan və vətəndaşlığı olmayan azərbaycanlılar gələcəkdə ticarət, təhsil, səhiyyə, tibbi ləvazimat və qida məhsulları istehsalı sahələrində də təzyiqlərə məruz qala bilərlər. Miqrantlara ovçuluq və bununla bağlı xidmətlərin də qadağan olunacağı gözlənilir.