İstəyirlər ki, bu dil məhv olsun - Fransa Qvianasından olan siyasi xadim problemlərdən danışdı

“İstər mədəniyyət, istər dini baxımdan Fransa öz təyziqlərini davam etdirir”.

Bunu Bakı Təşəbbüs Qrupunun "Müstəmləkəçilik: milli-dini kimliyin silinməsi" mövzusunda beynəlxalq konfrans ərəfəsində təşkil etdiyi mətbuat konfransında Fransız Qvianasından Dekolonizasiya və Sosial Emansipasiya Hərəkatının (MDES) üzvü Dominik Monte bildirib.

O, Fransa Qvianasındakı dil problemindən bəhs edib: “Bizim öz dilimizdən, kreol dilindən istifadə edilmir. Bu da yeni nəslin məhvinə aparır. Bir ölkədə ki televiziya, radio, məktəb proqramları fransız dilindədir və yalnız Fransa tarixi tədris edilir, burada millətin milli kimliyindən söhbət gedə bilməz”.

O qeyd edib ki, Fransa Qvianasında insanlar hələ də öz milli kimliyinin axtarışındadır: “Bu, böyük problemdir. Kreol dilini yenidən necə bərpa etməli olduğumuzla bağlı müzakirələr aparmalıyıq. Fransa hökuməti çalışır ki, kreol dili tamamilə sıradan çıxıb məhv olsun. Biz buna icazə verməməliyik”.