Kəmaləddin Heydərov türkiyəli və gürcüstanlı həmkarları ilə danışdı
Fövqəladə hallar naziri Kəmaləddin Heydərov Azərbaycandan Türkiyəyə yola düşən Türkiyə Hərbi Hava Qüvvələrinə məxsus “C-130” hərbi yük təyyarəsinin Gürcüstan ərazisində qəzaya uğraması nəticəsində hərbçilərin həlak olması ilə əlaqədar qardaş ölkənin daxili işlər naziri Əli Yerlikayaya zəng edib.
Bu barədə Fövqəladə Hallar Nazirliyi məlumat yayıb.
Nazir hərbi qulluqçuların həlak olması ilə əlaqədar başsağlığını çatdırıb, yaxınlarına Allahdan səbir dilədiyini bildirib.
Dövlət başçısı İlham Əliyevin tapşırığına uyğun olaraq Fövqəladə Hallar Nazirliyinin xilasetmə qüvvələrinin Gürcüstanla sərhəddə tam hazır vəziyyətdə gözlədiyini diqqətə çatdıran nazir faciə ilə əlaqədar Gürcüstanın daxili işlər naziri Gela Geladze ilə telefonla danışaraq vəziyyəti müzakirə etdiklərini bildirib.
Qeyd edib ki, gürcü nazir hər hansı ehtiyac yaranacağı halda axtarış-xilasetmə əməliyyatlarına Azərbaycan FHN-in qüvvələrinin dərhal qoşulması üçün müraciət ediləcəyini bildirib.
Türkiyəli nazir Ə.Yerlikaya göstərilən dəstəyə görə Azərbaycan dövlətinə təşəkkür edib.
Qeyd edək ki, müvafiq qurumlar arasında təmaslar davam etdirilir.
#Fövqəladə Hallar Nazirliyi teqi istifadə olunub
- FHN Sumqayıtda baş verən yanğının qarşısını aldı - Baku TV
- Çoxmərtəbəli yaşayış binasında yanğın baş verdi | Sakinlər təxliyə edildi
- Abşeron Gənclər şəhərciyində çoxmərtəbəli yaşayış binasında yanğın olub - Baku TV
- "Dedilər ki, gedin, özünüzə yer tapın" - Sakinlər niyə aylardır evlərinə girə bilmirlər? - Baku TV
- FHN baş verən yanğına müdaxilə etdi | Hadisə yerindən anbaan görüntülər - Baku TV
