Kral III Çarlz Azərbaycan Prezidenti İlham Əliyevə təbrik məktubu ünvanlayıb - Baku TV

“İkitərəfli əlaqələrimizin möhkəmliyini yüksək qiymətləndirir və qarşıdakı illərdə əməkdaşlığımızın daha da genişləndirilməsinə sadiq qaldığımı bildirirəm”.

Bu sözlər Böyük Britaniya və Şimali İrlandiyanın Kralı Əlahəzrət III Çarlzın Azərbaycan Prezidenti İlham Əliyevə ünvanladığı təbrik məktubunda deyilir.

“Cənab Prezident. Müstəqillik Günü münasibətilə həyat yoldaşım və mən Zati-alinizə və Azərbaycan Respublikasının vətəndaşlarına ən səmimi təbriklərimizi və ən xoş arzularımızı çatdırırıq.

Bu əlamətdar gün xalqlarımız arasındakı davamlı dostluq barədə düşünmək üçün dəyərli fürsətdir. İkitərəfli əlaqələrimizin möhkəmliyini yüksək qiymətləndirir və qarşıdakı illərdə əməkdaşlığımızın daha da genişləndirilməsinə sadiq qaldığımı bildirirəm.

Dövrümüzün ortaq çağırışları, xüsusilə iqlim dəyişikliyi və ətraf mühitimizin qorunması ilə bağlı məsələlərlə üzləşdiyimiz bir vaxtda ölkələrimizin təsirli və uzunmüddətli həllər naminə birgə fəaliyyətini davam etdirəcəyinə ümidvaram.

Həyat yoldaşım və mən qarşıdakı dövrdə sülh, firavanlıq, rifah diləyi ilə sizə və bütün azərbaycanlılara ən səmimi salamlarımızı göndəririk”, – deyə Böyük Britaniya Kralı bildirib.