Messinin Bakı səfəri erməniləri hərəkətə keçirdi | Kampaniya başladıldı

Argentina millisinin və “İnter Mayami” klubunun superulduz futbolçusu Lionel Messinin Azərbaycana səfəri erməniləri dəli edib.

Messi ilə yanaşı, dünya ulduzları – Luis Suarez, Serxio Buskets və Xordi Albanın Bakıya gəlişi dünya ermənilərinin sərt reaksiyasına səbəb olub.

Amerika Erməni Milli Komitəsi, həmçinin xaricdəki erməni diaspor və lobbisi xüsusilə Messinin səfəri ilə bağlı kampaniya başladıb. Dekabrın 11-də səfərdən dərhal sonra sosial şəbəkələrdə tənqidi paylaşımlar edilib, Bakıya və ulduz futbolçuya qarşı ciddi ittihamlar səsləndirilib.

Messinin ölkəsi Argentinanın Ermənistanla yaxın münasibətləri, qondarma erməni soyqırımını tanıması, çalışdığı ölkə olan ABŞ-nin da ermənilərə dəstəyi vurğulanıb. İddialara görə, futbolçu bəzi erməni startaplarının investorudur. Paralel şəkildə Azərbaycana gələrək bura haqqında xoş sözlər səsləndirməsi erməni ictimaiyyətində birmənalı qarşılanmayıb. Hətta komitə və diasporun bağlantılarından istifadə edərək Messinin əməkdaşlıq etdiyi qurumlar, reklam firmaları və futbol klubu ilə əlaqəyə yaratmaq istədikləri deyilir.

Maraqlıdır ki, dekabrın 11-də səfərdən sonra başlayan kampaniya fonunda argentinalı futbolçunun ermənilərlə əlaqəsi və ölkəsinin münasibətləri səbəbindən Azərbaycanla bağlı paylaşım etməyəcəyi gözlənilirdi. Lakin hər şeyə rəğmən Messinin sosial şəbəkə hesablarında post paylaşımı diqqətləri daha çox üzərinə çəkib.

Bütün bu baş verənlərin fonunda ulduz futbolçunun Bakı səfərinin təşkilinin mürəkkəbliyi, həmçinin onun doğurduğu reaksiyanın ölkəmiz üçün faydaları daha dəqiq anlaşılır.