Minsk qrupunun ləğvinə start verilir | Prosesə bu ölkə rəhbərlik edəcək

Finlandiya Avropada Təhlükəsizlik və Əməkdaşlıq Təşkilatının fəaliyyətdə olan sədri kimi, Azərbaycan və Ermənistanın Minsk prosesi və əlaqəli strukturların bağlanması ilə bağlı birgə müraciətinə cavab olaraq iştirakçı dövlətlərlə müzakirələrə rəhbərlik edəcək.

Bu barədə “Report”un Avropa bürosuna təşkilatın mənzil-qərargahından bildirilib.

Qeyd edək ki, ötən həftə Azərbaycan və Ermənistanın xarici işlər nazirləri Vaşinqtonda ATƏT-in Minsk Prosesi və onunla əlaqəli strukturların bağlanmasına dair birgə müraciət imzalayıblar.

ABŞ Prezidenti Donald Trampın təşəbbüsü ilə Azərbaycan Prezidenti İlham Əliyev və Ermənistanın Baş naziri Nikol Paşinyan arasında Vaşinqtonda keçirilən yüksək səviyyəli görüşdən sonra imzalanan birgə bəyannamədə də bu müddəa yer alıb. Sənəddə tərəflər ATƏT-in bütün iştirakçı dövlətlərini bu qərarı dəstəkləməyə çağırıblar.