Mübarizəmiz xoş sonluqla bitəcək | Bakı Təşəbbüs Qrupundan Qəmər adasına dəstək

Sentyabrın 3-də Bakı Təşəbbüs Qrupunun təşkilatçılığı ilə Fransanın işğalı altında olan Mayot adasına həsr olunmuş beynəlxalq konfrans keçirilib.

Qəmər adalarının təmsilçiləri bildiriblər ki, Fransa Birləşmiş Millətlər Təşkilatı Təhlükəsizlik Şurasının daimi üzvü statusundan istifadə edərək məqsədli şəkildə Mayotun işğalı məsələsini lokallaşdırıb. Eləcə də işğal faktının beynəlxalq təşkilatlar səviyyəsində saxlanılmasına imkan vermir. Bununla bağlı bütün təşəbbüsləri bloklayıb.

Qəmər adalarından olan diplomat Mohamed Toihiri bildirib ki, Fransa 1975-ci ildən bəri Qəmər adalarının Mayot adasını işğal edib:

“Mayot adası Fransanın müstəmləkəçilik siyasətinə uğrayıb. Biz Fransanın bu neokolonialist siyasətini pisləyirik. Fransaya deməyə gəlmişik ki, müstəmləkəçilik siyasətiniz uzun sürməyəcək. Mübarizəmiz bir gün xoş sonluqla bitəcək. Bu da Bakı Təşəbbüs Qrupunun sayəsində olacaq”.