Pleyeri seçin:
Müdafiə Nazirliyi Ermənistanın məlumatını təkzib etdi
“Azərbaycan Ordusunun bölmələri tərəfindən noyabrın 18-i saat 09:50-də Ermənistan Silahlı Qüvvələrinin Dəvəli rayonu istiqamətində yerləşən mövqelərinə guya atəş açılması və nəticədə bir hərbi qulluqçunun yaralanması barədə bu ölkənin Müdafiə Nazirliyinin yaydığı məlumat tamamilə yalandır”.
Bu barədə Azərbaycan Müdafiə Nazirliyi məlumat yayıb. Bildirilib ki, Ermənistan Müdafiə Nazirliyi orduda mövcud olan özbaşınalıqları ört-basdır etmək məqsədilə real əsası olmayan məlumatları yaymaqda davam edir.
“Qarşı tərəfin təxribat xarakterli məlumatını qəti surətdə təkzib edirik”, – deyə məlumatda vurğulanıb.
Kopyalandı
Seçilmişlər
