Müxtəlif ölkələrdən alimlər bu görüş üçün Bakıda bir araya gəldi

Elm və Təhsil Nazirliyinin İdarəetmə Sistemləri İnstitutunda “Kibernetika və informatikanın problemləri” mövzusunda VI beynəlxalq konfrans öz işinə başlayıb.

Məqsəd süni intellekt, idarəetmə sistemləri, siqnal emalı, optimallaşdırma və görüntülərin tanınması sahələrində son elmi nailiyyətləri müzakirə etmək, qabaqcıl tədqiqatları təqdim etmək və beynəlxalq əməkdaşlığı gücləndirməkdir.

Hibrid formatda keçirilən konfransda Türkiyə, ABŞ, Polşa, Fransa, Belçika, Gürcüstan, Almaniya, Avstraliya, Rusiya, Ukrayna, Estoniya, İsveçrə, Bolqarıstan, Özbəkistan, Qazaxıstan, Yaponiya və digər ölkələrin aparıcı alimlərinin iştirakı gözlənilir.

Qeyd edək ki, 2006-cı ildən etibarən Bakıda təşkil olunan beynəlxalq konfransda elmi tədqiqat müəssisələri, universitetlər, beynəlxalq təşkilatlar, dövlət və özəl sektorlardan olan nümayəndələr bir araya gələrək kibernetika və informatika sahələrində mövcud elmi və praktiki problemləri müzakirə edirlər.