Müxtəlif ölkələrdən olan hərbçilərə tapşırıq verildi | Türkiyə MN-dən vacib məlumat

Türkiyənin Qars şəhərində keçirilən “Qış təlimi – 2025” hərbi təlimləri uğurla davam edir.

Bu haqda Türkiyənin Milli Müdafiə Nazirliyinin sözçüsü Zeki Aktürk həftəlik brifinqdə deyib.

O bildirib ki, şəxsi heyət soyuq iqlim şəraitində döyüş qabiliyyətlərini artırır, hazırlıq səviyyələrini yüksəldir. Təlimdə hərbçilər arasında koordinasiya təmin edilir.

Nazirlik rəsmisinin sözlərinə görə, təlimdə iştirak edən hərbçilər “NEFER” zirehli döyüş maşınını, yüngül tipli pulemyot, 5,56 millimetrlik pulemyot, daha bir neçə silah və texnikadan ilk dəfə istifadə ediblər. Təlimlərin sabah başa çatacağı bildirilib.

Təlimlərdə Azərbaycan, ABŞ, Banqladeş, Bosniya və Herseqovina, Gürcüstan, İtaliya, Pakistan, Qazaxıstan, Şimali Makedoniya, Bolqarıstan, Fransa, İngiltərə, Liviya, Monqolustan, Niger, Tacikistan və İordaniyadan 199, Türkiyədən isə 12 min şəxsi heyət iştirak edir.

Qeyd edək ki, təlimlər yanvarın 20-də başlayıb.