Onlar qeyri-aktiv qurumlara çevrilib | QHT sədri işdən çıxarılan əməkdaşlardan danışdı

Qanunvericilikdə Əmək Məcəlləsinin yenidən hazırlanmasına ehtiyac var.

Bunu Neftçilərin Hüquqlarını Müdafiə İctimai Birliyinin sədri Mirvari Qəhrəmanlı İnsan hüquqları üzrə müvəkkilin (ombudsmanın) 2024-cü il üzrə məruzəsinin müzakirəsi zamanı deyib.

"Əmək Məcəlləsində 15 və 309-cu maddə əmək hüquqlarını qoruyur. Bu qanun işəgötürənlərin xeyrinə hazırlanıb. Əmək Müfəttişliyi əmək hüquqlarının pozulması ilə bağlı göndərilən sorğulara cavab vermir, ya da deyir ki, get, məhkəməyə müraciət et.

Vətəndaş məcbur qalıb yuxarı instansiyaya müraciət etməli olur. Bu prosesdə vətəndaş 60-70 manat mediasiya, 300 manat vəkil üçün rüsum verir, bir sözlə, bu prosesə 1000-1500 manat arasında xərci çıxır. Bu, işdən çıxan adam üçün böyük bir məbləğdir. Bu rüsumlar ləğv olunmalıdır", – hüquq müdafiəçisi bildirib.