Paradda nümayiş olunan hərbi texnikalarımız | Ekspert onların xüsusiyyətlərindən danışdı

Zəfərimizin 5-ci ildönümü münasibətilə keçirilən hərbi parad bir sıra özəlliklərlə yadda qaldı.

Paradda yeni qoşun növləri ilə yanaşı, Silahlı Qüvvələrin arsenalında olan və ilk dəfə ictimaiyyətə təqdim olunan texnikaları müşahidə etdik.

Hərbi paradda nümayiş olunan müasir silahlar, yeni qoşun növləri və Ordunun yüksək hazırlığı Azərbaycanın müdafiə qüdrətinin hansı səviyyəyə çatdığını bir daha göstərdi.

Paradda zirehli avtomobillərdən tutmuş uzaqmənzilli raket komplekslərinə, hava hücumundan müdafiə sistemlərindən tutmuş yüksəkdəqiqli pilotsuz uçuş aparatlarına, artilleriya sistemlərinə qədər geniş spektr müşahidə olunub. Bu müxtəliflik Ordunun eyni zamanda həm müdafiə, həm də əməliyyat-taktiki hücum funksiyalarını effektiv həyata keçirməsinə imkan verir.

Paradda nümayiş olunan texnikalar Azərbaycan Silahlı Qüvvələrinin çoxşaxəli, müasir və inteqrasiya olunmuş döyüş potensialını aydın şəkildə əks etdirir.

Paradda həmçinin Xəzər dənizində döyüş gəmiləri və katerlər də nümayiş etdirilib. Bu, Azərbaycanın region sularında suverenlik və strateji nəzarət qabiliyyətinin sarsılmaz gücünü göstərir.

Yubiley paradı həm xalqımızın qürurunu, dövlətimizin gücünü, həm də Ordumuzun qüdrətini nümayiş etdirdi.

Bir sözlə, bu parad Azərbaycanın gücünü həm dostlara, həm də düşmənlərə göstərdi. Artıq Azərbaycan 1990-cı illərin zəif dövləti deyil, regionda və dünyada söz sahibi olan qüdrətli bir ölkədir.