Pezeşkian BMT-də Cənubi Qafqazdan danışıb | “Azərbaycan və Ermənistan sülhünü dəstəkləyirik”

İran Prezidenti Məsud Pezeşkian BMT Baş Assambleyasının 80-ci sessiyasındakı çıxışı zamanı Cənubi Qafqazdakı sülh prosesinə toxunub.

Bu barədə "Azad İran" "Telegram" kanalı məlumat yayıb.

"İran sülh və sabitliyi dəstəkləyir. Biz hesab edirik ki, regionun və dünyanın gələcəyi əməkdaşlıq, etimad və qarşılıqlı inkişaf üzərində qurulmalıdır. Bu kontekstdə İran Azərbaycan və Ermənistan arasında sülh prosesini dəstəkləyir", ‒ deyə dövlət başçısı bildirib.

İran Prezidenti çıxışında onu da qeyd edib ki, İran nüvə silahı əldə etməyi qarşısına məqsəd qoymayıb.

Pezeşkian həmçinin Ukraynada davam edən müharibədən də danışıb. O vurğulayıb ki, İran Ukraynadakı münaqişənin ədalətli və davamlı həllinə çağırır.

“İran iki müsəlman və qardaş ölkə olan Pakistanla Səudiyyə Ərəbistanı arasında imzalanan müdafiə paktını regionda hərtərəfli təhlükəsizlik nizamının qurulmasının başlanğıcı hesab edir və bunu müsbət qarşılayır”, ‒ deyə İran Prezidenti sözlərinə əlavə edib.