Qırğızıstan Prezidenti Sadır Japarov Azərbaycanda səfərdədir
Aprelin 24-də Azərbaycana dövlət səfərinə gələn Qırğız Respublikasının Prezidenti Sadır Japarovun rəsmi qarşılanma mərasimi olub. Prezident İlham Əliyev Qırğızıstan Prezidenti Sadır Japarovu qarşılayıb.
Azərbaycan nümayəndə heyəti Qırğızıstan Prezidentinə, Qırğızıstan nümayəndə heyəti isə Azərbaycan Prezidentinə təqdim olunub.
Daha sonra Prezident İlham Əliyevin qırğızıstanlı həmkarı Sadır Japarovla məhdud tərkibdə görüşü olub. Həmçinin hər iki dövlət başçısının iştirakı ilə Azərbaycan və Qırğızıstan Dövlətlərarası Şurasının 2-ci iclası keçirilib.
Aprelin 24-də liderlərin iştirakı ilə Azərbaycan-Qırğızıstan sənədlərinin imzalanması mərasimi də baş tutub.
Sonra Prezident İlham Əliyev və Qırğız Respublikasının Prezidenti Sadır Japarov mətbuata bəyanatlarla çıxış ediblər.