"Bilirdim ki, heç nə tapmayacaqlar" | Azərbaycanlı deputata qarşı haqsızlıq edildi

Xantı-Mansi muxtar dairəsinin prokurorluğu miqrantlarla bağlı məsələnin müzakirəsi zamanı bu dairənin “özbəklərin tarixi vətəni” olduğunu bildirən Azərbaycan əsilli rusiyalı siyasətçi Xalid Tağızadənin bəyanatında heç bir qanun pozuntusu aşkar etməyib.

Nəzarət qurumu bununla bağlı məlumatı Dövlət Dumasının deputatı Vladimir Sısoyevin sorğusuna cavab olaraq göndərib.

“Bilirdim ki, çıxışımda heç nə tapmayacaqlar. Çünki o fikirlərdə ekstremizm və ərazi bütövlüyünün pozulmasından söhbıt gedə bilməz”.

Bunu isə Xalid Tağızadə “ura.news”a açıqlamasında bildirib. Onun fikrincə, əməkhaqqı və vəzifədən məhrum etmə cəzası ədalətsizdir.

“Bu, konstitusiya normalarının pozulmasıdır. Bir insanı şərləyib məsuliyyətə cəlb etməklə dairə duması seçicilərin maraqlarını da nəzərə almayıb”, – deyə Xanti-Mansi muxtar dairəsinin deputatı bildirib.

“Ay yarım davam edən dəlixandan dincəlmək istəyirəm”, – deyən Xalid Tağızadə ona qarşı çıxarılan qərarlara görə apellyasiya müraciətinə tələsmədiyini bildirib.