"Milli maraqlara əsaslanan xarici siyasət kursunu Ulu Öndər yaradıb" | Ceyhun Bayramov - Baku TV

Peşə bayramlarında diplomatlar Fəxri xiyabanda ümummilli lider Heydər Əliyevin məzarını ziyarət ediblər. Ulu öndərin Azərbaycan diplomatiyasına misilsiz xidmətləri ehtiramla anılıb.

Qeyd edək ki, 1919-cu il iyulun 9-da Azərbaycan Xalq Cümhuriyyəti Xarici İşlər Nazirliyinin Katibliyinə dair müvəqqəti təlimatın qəbul edilməsini əsas götürərək və milli diplomatiyanın həm müsəlman Şərqində ilk demokratik respublikanın yaranmasında, həm də müasir müstəqil Azərbaycan dövlətinin formalaşmasındakı mühüm rolunu nəzərə alaraq Prezident İlham Əliyev 2007-ci il avqustun 24-də Sərəncam imzalayıb. Həmin Sərəncama əsasən, hər il iyulun 9-u Azərbaycan diplomatik xidmət orqanları əməkdaşlarının peşə bayramı kimi qeyd edilir.

Xarici İşlər Nazirliyinin kollektivi daha sonra Şəhidlər xiyabanını ziyarət ediblər. Müstəqil və suveren ölkəmiz uğrunda canlarından keçən qəhrəmanların əziz ruhları ehtiramla anılıb.