Regionda güc balansı dəyişir? - "Euronews"da "Qarabağın ürəyi"ndən reportaj - BİZDƏN NƏ DANIŞIRLAR?

“Bizdən nə danışırlar?” verilişinin yeni buraxılışı yayımlanıb.

Verilişdə bildirilib ki, “Euronews” kanalı “Around Azerbaijan” çərçivəsində Şuşanın Azərbaycanın mədəni həyatında niyə mərkəzi yer tutduğu barədə bəhs edib.

“Euronews”un müxbiri Natali Lindo Azərbaycanın mədəni beşiyi olan Şuşaya səyahət edib.

“Euronews” müxbirini Şuşa Dövlət Təbiət Qoruğunun İctimaiyyətlə əlaqələr və informasiya şöbəsinin müdiri Səmayə Məmmədova müşayiət edib.

Ermənistanın Baş naziri Nikol Paşinyan rusiyalı həmkarlarından Arazdəyəndən Naxçıvana və Axurik kəndindən Türkiyə sərhədinə qədər olan dəmir yolu hissəsinin təcili şəkildə tam bərpa edilməsini xahiş etdiyini bildirib.

Rusiyanın “Moskva-Baku” nəşri oxucularına xəbər verir ki, yaxın gələcəkdə Ermənistanın Baş naziri Rusiya tərəfindən İcevan-Qazax dəmir yolunun bərpasını tələb etməyi planlaşdırır.

“Ümid edirəm ki, rusiyalı həmkarlarım bu xahişi yerinə yetirəcək”, – deyə Nikol Paşinyan qeyd edib.