Rejim gizli planını işə salır | Sağ qalmaq üçün “B” planı
“İranın daxilində baş verən proseslərdən belə bir qənaətə gəldim ki, Məsud Pezeşkian – Azərbaycan türkü İranın prezidenti olacaq”.
Bunu Baku TV-nin departament rəhbəri Turan İbrahimov deyib.
“Bu, əvvəlcədən planlaşdırılıb. Mənim fikrimcə, M.Pezeşkianın seçkiyə buraxılması, seçkidə türk olduğunu ön plana çıxarması, azərbaycanlı olduğunu dəfələrlə vurğulaması, nəticədə də ikinci turda prezident seçilməsi İranın Ali Rəhbəri Əli Xameneinin və onun ətrafında olan, üzdə görünməyən fiqurların verdiyi qərardır.
Çünki ölkədə molla rejimini saxlamaq üçün bir türkün İranın prezidenti olmasına imkan vermək qərarına gəliblər. Bu, nəticədə İranda mərkəzdənqaçma əhval-ruhiyyəsində olan azərbaycanlıların, qaşqayların, türkmənlərin və digər türk xalqlarının yenidən İran ideyası ətrafında birləşməsinə stimul verir”, – o vurğulayıb.
![icon](/images/loading.png)