Rusiya 2033-cü ilə qədər dağılacaq?

Rusiyanın Təhlükəsizlik Şurasının sədr müavini Dmitri Medvedev Qərb analitiklərinin sanksiyalar, enerji qiymətlərinin artımı və hərbi xüsusi əməliyyatlar səbəbindən Rusiyanın 2033-cü ilə qədər dağılacağının gözlənilən olması ilə bağlı açıqlamalarını şərh edib.

O bildirib ki, ABŞ-nin dağılmasını şərtləndirən amillər oxşar ssenarinin Rusiyada baş verməsi üçün mövcud olan səbəblərdən daha çoxdur. Xüsusilə indi orada baş verənlər bunu deməyə əsas verir.

Dmitri Medvedev əlavə edib ki, bunun kimi proqnozlar konkret hədəf auditoriyasına malikdir və Qərb dünyasının elitasının fərziyyələrinə əsaslanır.

D.Medvedev həmçinin Ukrayna məsələsinə də toxunub. Bildirib ki, Ukrayna Silahlı Qüvvələri Krımı ələ keçirməyə cəhd göstərsə, Rusiya bu ölkənin ərazisinə nüvə zərbəsi endirə bilər.

Onun sözlərinə görə, Rusiya özünü müdafiə etmək üçün istənilən növ silahdan istifadə etmək hüququna malikdir. “Artıq mənim sözlərimdən özünüz nəticə çıxarın”, - deyə D.Medvedev vurğulayıb.