Rusiya Polşa ilə diplomatik əlaqələri kəsməyə hazırdır
Rusiyanın Polşadakı səfirliyi bu ölkənin Xarici İşlər Nazirliyinə etiraz notası göndərib.
Buna aprelin 29-da Varşavada rus dilində təhsil verən məktəb binasının Rusiyadan alınması səbəb olub.
Bildirilib ki, bütün şagirdlərin təxliyə olunduğu məktəbdə tədris dayandırılıb. Polşa XİN-in məlumatına əsasən, təhsil ocağının binası Polşa dövlətinin mülkiyyətindədir.
Polşa XİN nümayəndəsi Lukaş Yasina bildirib ki, həmin bina vaxtilə Rusiya tərəfindən qanunsuz şəkildə mənimsənilib. Rusiyanın Polşadakı səfirliyi sözügedən məktəbdə tədris prosesini bərpa edəcəyinə dair söz verib.
Qeyd edək ki, rəsmi Moskva Polşa hakimiyyətinin hərəkətinə sərt cavab vəd edib. Rusiyanın Varşavadakı səfirliyindən bildirilib ki, məlum hadisədən sonra Rusiya Polşa ilə diplomatik münasibətləri kəsməyə hazırdır.