Seçkilərin qardaş Azərbaycan üçün xeyirli olmasını diləyirik | Türkiyə XİN

Türkiyənin Xarici İşlər Nazirliyi Azərbaycanı parlament seçkisinin uğurla keçirilməsi münasibətilə təbrik edib.

Bu barədə xarici siyasət idarəsi bəyanat yayıb.

“1 sentyabrda keçirilmiş Milli Məclisə seçkinin qardaş Azərbaycan üçün xeyirli olmasını diləyirik. Sözügedən parlament seçkisinin Azərbaycanın bütün ərazisində, o cümlədən işğaldan azad edilmiş torpaqlarda keçirilməsi tarixi əhəmiyyət kəsb edir. İnanırıq ki, Azərbaycan xalqının öz iradəsini ortaya qoyduğu seçkilər Cənubi Qafqazda daimi sülh və sabitliyin bərqərar olmasına öz töhfəsini verəcək”, – deyə bəyanatda qeyd olunub.