Silahlı Qüvvələrin bir qrup hərbi qulluqçusu təltif edilib

Prezident İlham Əliyev Silahlı Qüvvələrin hərbi qulluqçularının təltif edilməsi haqqında Sərəncam imzalayıb.

Sənədə əsasən, Pəncəli Teymurov ölümündən sonra “Azərbaycanın Milli Qəhrəmanı” adı ilə, 3-cü dərəcəli kapitan Əlvan Ələsgərov “Azərbaycan Bayrağı” ordeni ilə, polkovnik Yasin Abbasəliyev 2-ci dərəcəli “Rəşadət” ordeni ilə, general-leytenant Namiq İslamzadə, polkovnik Ramin Nuriyev və polkovnik-leytenant Zakir Əmirov 3-cü dərəcəli “Rəşadət” ordeni ilə, general-mayor Aqil Babayev və general-mayor Əyyub Məmmədov 2-ci dərəcəli “Vətənə xidmətə görə” ordeni ilə, 35 nəfər 3-cü dərəcəli “Vətənə xidmətə görə” ordeni ilə, 142 nəfər “Vətən uğrunda” medalı ilə, 27 nəfər “İgidliyə görə” medalı ilə, 23 nəfər “Cəsur döyüşçü” medalı ilə, 27 nəfər “Döyüşdə fərqlənməyə görə” medalı ilə, 148 nəfər isə “Hərbi xidmətlərə görə” medalı ilə təltif edilib.

Prezident İlham Əliyev Müdafiə Nazirliyinin hərbi qulluqçularına ali hərbi rütbələrin verilməsi haqqında da Sərəncam imzalayıb.

Sənədə əsasən, general-mayor Kənan Seyidov və general-mayor Ağamir Sultanova “general-leytenant” ali hərbi rütbəsi, polkovnik Zaur Yusifli, polkovnik Ümüdvar Quliyev, polkovnik Anar Hüseynov və polkovnik Etibar Məhərrəmova “general-mayor” ali hərbi rütbəsi, 1-ci dərəcəli kapitan Şahin Məmmədova isə “kontr-admiral” ali hərbi rütbəsi verilib.

Dövlət başçısı həmçinin Azərbaycanın ərazi bütövlüyünün qorunmasında xüsusi xidmətləri olmuş şəxslərin təltif edilməsi haqqında da Sərəncam imzalayıb.

Sənədə əsasən, baş leytenant Vaqif Qurbanov ölümündən sonra “Azərbaycanın Milli Qəhrəmanı” adı ilə, ehtiyatda olan baş gizir Akif Quliyev “Azərbaycan Bayrağı” ordeni ilə, ehtiyatda olan polkovnik-leytenant Gülbudağ Binyətov, ehtiyatda olan mayor Bəşir Əliyev, ehtiyatda olan kapitan Elman Cəlilov, ehtiyatda olan baş gizir Tofik Şalbuzov “İgidliyə görə” medalı ilə təltif edilib.