SOCAR Ukraynada mühüm ekoloji təşəbbüs həyata keçirib

Azərbaycanda 2025-ci ilin Konstitusiya və Suverenlik İli olması çərçivəsində, o cümlədən Azərbaycanın Vətən müharibəsində əldə etdiyi qələbənin 5 illiyi münasibətilə Ukrayna paytaxtı Kiyevdə mühüm ekoloji təşəbbüs həyata keçirilib.

“Azərbaycanın Ukraynadakı səfirliyi və “SOCAR” şirkətinin rəhbərliyi ilə birlikdə Obolonun yaşıllaşdırılması üzrə gözəl ənənə davam edir. Bu, artıq ilk tədbir deyil. Park ərazisində daha çox ağac əkmək niyyətindəyik. 20-25 il sonra buraya uşaqlarımızla, nəvələrimizlə gəlib məhsuldar əməkdaşlığımızın nəticəsini görəcəyik. Azərbaycan əbədi missiya həyata keçirir”, – Kiyev Şəhər Administrasiyasının rəsmisi Pavel İvanov bildirib.

Qeyd edək ki, Azərbaycan müharibənin ilk günlərindən humanitar missiyanın müxtəlif sahələri üzrə Ukraynaya yardım göstərir.