Türkiyədən gəlib özünə respublika qurmaq istədi, saxlanıldı

Özünü “Göyçə Zəngəzur Respublikası”nın prezidenti və Qərbi Azərbaycana Qayıdış İctimai Birliyinin rəhbəri kimi təqdim edən Rizvan Talıbov sözügedən “respublika”nın yeni prezidenti olduğu bildirilən, müvəqqəti olaraq Türkiyədən Azərbaycana gələn Tünzalə Çələbiyevanın Dövlət Təhlükəsizliyi Xidmətində aparılan araşdırmalarla əlaqədar istintaq orqanına aparıldıqları bildirilir.

“Trend.az”ın məlumatına görə, hazırda hər iki şəxslə əlaqə saxlamaq mümkün deyil.

Xatırladaq ki, 2022-ci ildə Rizvan Talıbov “Göyçə Zəngəzur Respublikası”nın yaradıldığını elan edib, özünün “respublika”nın başçısı olduğu, həmçinin “respublika”nın öz parlamenti, nazirlər kabinetinin olduğu iddia etmişdi. Hətta sentyabrın 19-da Türkiyənin Ankara şəhərində “respublika”nın nümayəndəliyinin açıldığı bəyan edilib.

Qərbi Azərbaycan İcması isə öz növbəsində bəyanat verərək belə bir təşəbbüsün dəstəklənmədiyini bəyan etmişdi. Bu addım Qərbi Azərbaycan ziyalıları tərəfindən böyük təxribat kimi qiymətləndirilib.