Pleyeri seçin:
Xankəndi Biznes Mərkəzi rezident şirkətlər üçün müasir və rahat işgüzar mühit təklif edəcək
Xəbərlərimizi Google-da izləyin
Yeniliklərdən dərhal xəbərdar olun
“Xankəndi Biznes Mərkəzi işğaldan azad olunmuş ərazilərdə həyata keçirilən yenidənqurma proseslərinin mühüm bir nümunəsidir”.
Bu barədə jurnalistlərə açıqlamasında Xankəndi Konqres Mərkəzinin nümayəndəsi Nəcəf Bədəlov bildirib.
Onun sözlərinə görə, dörd mərtəbədən ibarət Xankəndi Biznes Mərkəzi ümumilikdə 4500 kvadratmetrdən artıq sahəni əhatə edir.
“Burada 24 ofis sahəsi, 6 iclas otağı mövcuddur. Bundan əlavə, mərkəzdə 120 nəfər qonaq üçün nəzərdə tutulan restoran, həmçinin dəftərxana və mətbəə məhsullarının satışı, kimyəvi təmizləmə və camaşırxana xidmətləri fəaliyyət göstərəcək.
İlkin mərhələdə Biznes Mərkəzində 20 nəfər işləyəcək ki, onlardan da 12-si Xankəndi, Xocalı, Şuşa və işğaldan azad olunmuş digər ərazilərin sakinləri, 1-i isə Vətən müharibəsi veteranıdır”, ‒ deyə o əlavə edib.
Kopyalandı
Seçilmişlər
