Yaradılışa erməni iddiası | Onlar özlərini niyə HAY adlandırır? - QARABAĞ XRONİKASI

Ermənilərin özlərini “Hay” adlandırmaları sadə bir etnonimdən daha artıqdır.

Bu, qədim mifoloji sistemlərə bağlanan, Şumer-Akkad, Aymara-İnka və digər qədim sivilizasiyaların dünyagörüşündən mənimsənmiş bir anlayışdır.

Şumer dilində “Enki” və “Eya”, yəni “torpağın ağası” və “yaşayan varlıq” həyat, müdriklik və yaradılışla bağlı tanrıları simvolizə edir. Bu anlayışlar Aymara dilində “Hayu”, Hindistanda “Haya”, Çin dilində “xay”, yəni “dəniz” ilə paralellik təşkil edir, İbranicə “Hay” “həyat”, aramicə “Hayo” “canlı ruh” deməkdir. İslamda isə “Al-Hayy” Allahın Əbədi Diri adı ilə “Quran”da keçir.

Bu paralel və eyni kökdən gələn anlayışlar göstərir ki, “Hay” termini müxtəlif sivilizasiyalarda “həyatın mənbəyi”, “ilahi başlanğıc” və “kosmik tarazlıq” ideyası ilə eyniləşdirilib.

Ermənilər isə bu sözə istinad edərək “Hayk” obrazı vasitəsilə öz mifologiyalarına kosmoqonik və ilahi dəyər yükləməyə çalışırlar. Halbuki bu ad ümumbəşəri arxetiplərin manipulyasiyası və mədəni mənimsəmə nümunəsidir.

“Qarabağ xronikası”nda bu dəfə məhz sözügedən mifoloji, linqvistik və dini oxşarlıqlar araşdırılaraq “Hay” anlayışının əsl mənşəyi və onun erməni mifologiyasındakı süni rolu ifşa edilib.