Zakir Həsənov Qırğızıstana başsağlığı verdi | Bişkekdə qəza

Yanvarın 17-də Qırğız Respublikasının paytaxtı Bişkekdə “Mİ-8” hərbi helikopter qəzaya uğrayıb.

Bu barədə ölkənin müdafiə naziri Bakıtbek Bekbolotov məlumat verib.

Bildirilib ki, hadisə nəticəsində ekipaj komandiri ölüb, daha 7 nəfər yaralanıb. Xəsarət alanlar dərhal xəstəxanaya yerləşdirilib.

Nazirin sözlərinə görə, qəza təlim uçuşu zamanı baş verib. Faktla bağlı cinayət işi açılıb.

Yeri gəlmişkən, baş verən faciə ilə əlaqədar Azərbaycanın müdafiə naziri Zakir Həsənov qırğız həmkarı Baktıbek Bekbolotova başsağlığı verib.