Zakir Həsənov və Qabor Böröndi bir arada | Görüşdə vacib müzakirələr aparıldı

Müdafiə naziri general-polkovnik Zakir Həsənov ölkəmizdə rəsmi səfərdə olan Macarıstan Müdafiə Qüvvələrinin Baş Qərargah rəisi, general Qabor Böröndinin rəhbərlik etdiyi nümayəndə heyətini qəbul edib.

Görüşdə ölkələrimiz arasında hərbi əməkdaşlığın cari vəziyyətindən razılıq ifadə olunub, Macarıstanın bütün səviyyələrdə ölkəmizə dəstəyi xüsusi vurğulanıb. Azərbaycanda ordu quruculuğu sahəsində görülən işlərdən danışan müdafiə naziri Zakir Həsənov iki ölkə arasında strateji əməkdaşlığın daha da inkişaf etdirilməsi üçün bütün imkanların mövcud olduğunu deyib.

Həmçinin hərbi əməkdaşlığın gələcək perspektivləri və maraq doğuran digər məsələlər ətrafında ətraflı müzakirələr aparılıb. Görüşdə Azərbaycan və Macarıstan arasında hərbi sahədə əməkdaşlığın cari vəziyyəti və gələcəkdə daha da genişləndirilməsi ilə bağlı fikirlər səsləndirilib. Hərbi qulluqçuların peşəkarlığının artırılması məqsədilə birgə təlimlərin keçirilməsinin vacibliyi qeyd olunub.